Os Reises de Tormaleo y Los Sidros y La Comedia salen esta fin de selmana

|

La mazcarada d'Ibias failo'l sábadu, mentes que la de Siero celebra en Valdesoto'l 'Domingu de Sidros y Comedies'.

Os Reises de Tormaleo tienen prevista la so salida a les 9 hores, tres preparase nel polideportivu de Luiña, pa siguir l'itinerariu siguiente: A Lamela, Luiña, Buso, El Poblao, Villares, Tormaleo y Funduvila. La mazcarada d'iviernu va dir casa por casa pidiendo l'aguinaldu nuna xornada onde ye posible qu'acompañe la nieve.

Al día siguiente, en Valdesoto, va celebrase'l Domingu de Sidros y Comedies. A les 12.45 ta prevista nel Campu la Ilesia la primer representación, la de los de los Escolinos de Fayes, que van poner n'escena 'La cosa ta caliente', de Manuel Pergenino Martínez Argüelles, pa depués dar pasu a los mayores de l'Asociación pola Recuperación de los Sidros y Les Comedies ‘El Cencerru’ con 'Independencia de Comedia', de José Ramon Oliva.

La xente que nun pueda averase a Siero, va poder siguir dende les 12 en direuto per TPA dambes comedies.

Contador Estadistiques