Os Reises de Tormaleo lleven allegría a los vecinos de la parroquia

|
Cartelu Os Reises de Tormaleo 2019

Van salir esti sábadu a pidir l'aguilandu.

Los personaxes que componen Os Reises de Tormaleo, más d'una docena, van percorrer un añu más les aldees habitaes de la parroquia, una tradición vieya recuperada hai poco más de diez años y que nun apara de garrar puxu. Hasta Ibias desplácense numberoses persones de conceyos vecinos y del restu del país pa disfrutar d'esta mazcarada d'iviernu qu'entama l'Asociación Cultural Tío Vitán.

La cita va ser el sábadu a les 9 hores nel polidepotivu de Luiña, pa facer darréu un percorríu ente A Lamela y Funduvila con pasu per Luiña, El Poblao, Villares d’Abaxo, Villares d’Arriba, Buso y Tormaleo. Un xornada de folixa que los vecinos de la parroquia esperen con ilusión pola allegría que treslladan Os Reises a toles cases.

Contador Estadistiques