"Operación Fracasu"

El trunfu del Depor na Copa'l Rei de Fútbol ye la noticia del día. La nueche en que'l Real Madrid cumplía cien años, naide daba un duru por que ganare'l Deportivu d'A Coruña, pero, ente la sorpresa xeneral, l'equipu gallegu comió al Madrid del centenariu, que tenía al favor una poderosa campaña mediática y que contaba cola discutible ventaya de xugar la final en casa. La nueche entamó con una romería madridista tressustanciada en fiesta nacional por aciu de l'apaición de los rapazos d'"Operación Trunfu" cantando l'himnu bacaladeru de la Selección Española y na que namás faltó la presencia d'Aznar. Tres la esaltación, quedaba ganar el partíu, pero ehí tuvo'l Depor, convidáu de piedra qu'acabó chafando la folixa blanca. Echá-yos una güeyada a los periódicos del día dempués ye un exerciciu de lo más entretenío. Mientres en Marca Valdano diz que lo d'ayeri nun cuenta, otros como La Razón paez que nun quieren dase, y afirmen que'l Depor arrampló cola copa del Madrid. La prensa catalana echa a gustu pa contra'l Madrid, y Josep Prats titula en Sport "Operación Fracasu" . En Galicia, Vieiros titula "O Depor saltalle no Llombo a historia".

Contador Estadistiques