¿Ónde tán los papeles del Conseyu Soberanu?

Repártense ente Barcelona –au tuvo la institución nel esiliu–, Salamanca y Ferrol.

Tres la toma d'Asturies poles tropes 'nacionales', que se completó'l 21 d'ochobre del 1937, casi dos meses depués de la creación del Conseyu Soberanu d'Asturies y Lleón, ésti foi al esiliu, en concreto a Barcelona, a la Casa d'Asturies en Catalunya. Hasta esi país treslladáronse los papeles de la institución, que finalmente acabaríen en Salamanca tres la victoria de Franco na Guerra Civil.

Anguaño, dao'l pasotismu del Gobiernu asturianu, tola documentación del Conseyu Soberanu repártese ente Salamanca, Barcelona –dellos papeles viaxaron colos archivos reclamaos por Catalunya– y Ferrol, onde ta lo que correspuende a los xuicios sumarísimos.