Once empreses van promocionar el sector agroalimentariu asturianu en República Dominicana

|
Casa de España de Santo Domingo

Una misión comercial entamada por ASTUREX va permitir qu’once empreses puedan promocionar los sos productos en República Dominicana. La Casa de España en Santo Domingo celebra dende’l llunes la Semana d’Asturies baxo’l lema ‘Asturias es sabor’.

Les once firmas asturianas de la delegación, trés de ellas pertenecientes a ún de los consorcios impulsaos pola Sociedá de Promoción Esterior Principáu d’Asturies (ASTUREX), van participar nes celebraciones del centenariu de Casa de España como complementu a les distintes axendes de trabayu y reuniones previstes con potenciales clientes y socios del país llatinoamericanu. Precisamente, la misión coincide cola celebración de la Semana d’Asturies, con un programa qu’inclúi actividaes como prebes de productos, conciertos o esposiciones dende’l llunes y hasta’l sábadu.

El martes, la taberna de Casa de España va convertise nuna sidrería na que se podrán prebar platos típicos del país, mentes que’l miércoles va tener llugar una sesión de ‘cocina en vivo’ a la qu’asistirán 250 persones. Per otru llau, el xueves la institución con sede en Santo Domingo va convidar a la delegación asturiana a una cena y el vienres, Día de la Nación Asturiana, va entamase una espicha.

Supermercaos con capital d’orixe asturianu

“Esta misión comercial supón una oportunidá grande d’establecer contautos con potenciales compradores o socios, yá que les cadenes de supermercaos de República Dominicana pertenecen a families españoles d’orixe asturianu que conocen y aprecien la calidá de los productos asturianos”, apunten dende ASTUREX. Les once emprese que van desplazase hasta’l país caribeñu son Asturias for Foodies (Agrovaldés, Sidra Trabanco y Agromar); Blanco Distribuciones; Corporación Alimentaria Peñasanta; El Hórreo Healthy Food; Friobás Basilio; Global SMM 2009; Hidritec Water System; Manuel Busto Amandi; y Valle, Ballina y Fernández.

Na semeya, sede de la Casa de España de Santo Domingo.

Contador Estadistiques