oi! n´ast

Esti grupu asturianu, qu'adulces va faciéndose un sitiu ente
la ufierta musical asturiana, presenta'l so primer discu. Una formación
que va dexándose ver pelos festivales de rock, con un estilu qu'ellos
definen como streetpunk, con toques
oi!, rock and roll y musica
tradicional asturiana.

Too un mecigayu con lletres n'asturianu y música feches por Hugo,
cantante y guitarra del grupu, escepto en dos temes nos que faen versiones de
cantares d'otros grupos. Les cantares falen de temes que formen parte de la
vida de los integrantes del grupu, realidá social d'asturies,
fútbol, unidá, borracheres, llucha antisistema...etc.

La discográfica que decidió apostar por ellos foi BRIXTON
RDS d'Euskadi, y el discu foi producíu por Xabi, de la mesma
discográfica, que ye un sellu de música Jamaicana, y que con esti
cd estrenen la primer referencia del subsellu dedicáu al punk, oi! y
rock and roll.

Ya tienen preparada una mini-xira que va llevalos el 4 de mayo a
Guadalajara, 18 de mayu a Burgos y el 25 de mayu a Llodio (Euskadi), y esperen,
cola salida del discu, el 1 de mayu, facer unos conciertos per Asturies
(Xixón, Uviéu, Villaviciosa...etc).