"Oficialidá amable ye protexer l'asturianu, ensin imposiciones", esplica Barbón

|
Adrián Barbón y Mily Cimadevilla alcuentru na 'Semana Negra'

El socialista, dende'l llunes presidente del país, participó'l domingu na 'Semana Negra' nun alcuentru sobre 'La Asturias del mañana'.

"Pidiría a les trés dereches qu'analizarán por qué renieguen de la nuesa propia ñatura, de la nuesa propia cultura. ¿Dalguien cree que nun hai qu'invertir dineru nel Prerrománicu porque nun hai qu'evitar el so deterioru? Ye lo mesmo cola nuesa llingua”, afirmó Adrián Barbón a entrugues de la periodista Mily Cimadevilla, conductora del actu que tuvo como sede la 'Carpa de la Palabra'.

D'igual forma, apuntó que "hemos de buscar un consensu nel que la sociedá asturiana nel so conxuntu se sienta cómoda. Ésa ye la oficialidá amable: protexer l'asturianu, ensin imposiciones", añadió. Numberosu públicu acudió hasta los terrenos del yá desapaecíu astilleru Naval Xixón, onde s'asitia'l recintu del certame lliterariu con un altu componente festivu, pa sentir les opiniones de Barbón na xornada previa a que saliera escoyíu presidente d'Asturies.

Contador Estadistiques