"Nun somos el PASOK", apunta Fernández a Xuníos Podemos

El PSOE celebró'l martes un mítin n'Uviéu que contó cola presencia de Pedro Sánchez, candidatu de los socialistes a la presidencia, y que nun tuvo referencia nenguna a Asturies.

El presidente del país y secretariu xeneral de la FSA, Javier Fernández foi'l que caleció más l'ambiente ente los intervinientes en La Corredoria. Nel so discursu afaló a Xuníos Podemos, y tamién al PP, a que perdieran "toda esperanza porque nós nun somos el PASOK; nacimos nel corazón mesmu del movimientu obreru". Tamién cuestionó la voluntá de pautar col PSOE de Pablo Iglesias, "un tipu que te tira a la cara la cal viva", y finó con un "podemos, queremos y vamos ganar. Nun pasarán".

Pela so parte, Sánchez afirmó que "si nun queremos cuatro años más de gobierno de Rajoy debemos dicir sí al cambiu, y el cambio ye'l PSOE". Por ello animó a los sos votantes a nun quedar en casa: "Hai que salir a votar, dicir sí al cambiu y poner fin al mal gobiernu de Rajoy". Amás del candidatu socialista a la presidencia, tamién intervinieron nel mítin Adriana Lastra, númberu 1 de la llista al Congresu por Asturies, y l'alcalde d'Uviéu, Wenceslao López Martínez.

Nel actu destacó la falta de temes d'actualidá y importantes pal país referentes a Asturies, como la minería o la situación de la variante de Payares.

Visita de Rajoy

Esti xueves va visitar Asturies l'actual presidente del Gobiernu en funciones, Mariano Rajoy. El PP caltién con secretismu los detalles del actu.

Na semeya, Fernández, Sánchez, Lastra y López Martínez.