Nun pues faltar

Como ya vos comentamos hai dos selmanes, esti sábadu día 12 hai una cita n'Uviéu a la que nun se puede faltar. Radio Sele quier demostrar que nun va quedar parada pola retirada de la so llicencia, y va demostralo nel Auditoriu Príncipe Felipe d'Uviéu esti sábadu a partir de les 19:00 hores.Un actu de solidaridá con Radio Sele, entamáu pola Plataforma d'Apoyu a Radio Sele, que va tar presentáu pol escritor Dolfo Camilo Díaz, onde vamos poder disfrutar de distintes actuaciones, teatru con Reivindicarte, Fundación Lazslo Kovaks y Delfu, tonada con Fernando Carlones, collaborador de Radio Sele, y el cogollu del conciertu con Xentiquina,. Felpeyu col so nuevu gaiteru Diego Pangua, N'Arba y Dixebra que va tener la collaboración de la cantante Anabel Santiago, y pa rematar la participación de bandes de gaites.La entrada cuesta 8 €, pero nun solo la música va tener un espaciu nesti conciertu, tamién va haber un pequeñu mercáu de música , lliteratura y artesanía d'Asturies nel hall del auditoriu.Con toa esta ufierta, namás que falta un públicu que de xuro nun va perder esta oportunidá pa esfrutar de la cultura asturiana, y d'espresar el so apoyu a Radio Sele.