Numancia 1 - Uviéu 2

En dos selmanes, el panorama pal Uviéu cambió enforma. De tener l'ascensu a cinco puntos de distancia, los erros del Rácing y el Recreativu de Huelva dexáben-yos a los de Marigil una oportunidá que teníen d'aprovechar. Agora, tres la remontada en campu del Numancia del sábadu, los carbayones tienen l'ascensu a dos puntos.Nun foi fácil pa los asturianos, que, anque salíen de favoritos, ficieron un primer tiempu bastante malu y llegaron al descansu perdiendo per ún a cero énte'l Numancia, un equipu que de va unes selmanes p'acá ta fundiendo na clasificación a toa velocidá.El partíu emprincipió con un xuegu ramplón, y les poques veces que se tiraba yera a balón paráu o a pelotazos, ensin que nengún equipu pasare del mediu campu. Ún d'estos pelotazos llegó-y nel mimutu 30 a Aranda, que, de vaselina, metió'l gol sorianu. Entamó entós nuna fase distinta, colos asturianos apretando más y el Numancia xugando a la contra. Tres el descansu, Marigil quitó a Nadj pa poner a Tomic. El cambéu d'estranxeros valió pa que l'Uviéu meyorase enforma, anque tamién tuvo la suerte de que Geni metiere l'empate namás empezar el segundu tiempu. L'empate del Uviéu plasmó a los sorianos, que, cinco minutos dempués, tragaben otru gol, esti cola firma de Jaime. El partíu quedaba vistu pa sentencia

Contador Estadistiques