Nuevu númberu de la revista de Belenos

El Conceyu d'Estudios Etnográficos "Belenos" ta acabante d'asoleyar el númberu 16 de la revista "Asturies, memoria encesa d'un país". Esti primer númberu del 2.004 de la revista semestral de Belenos inclúi artículos sobre cuestiones de naturaleza etnografía y arte, ente los que rescamplen l'estudiu d'Inaciu Hevia llavona sobre l'apaición de la panera nel sieglu XVII como desarrrollu del horru de cuatro pegoyos o la investigación de David Fernández Moro nel qu'asitia les principales característiques qu'identifiquen al chigre asturianu.

La lliteratura asómase a esti númberu de Belenos col artículu d'Alberto José Rodríguez Felgueroso sobre la percepcióndel paisaxe na obra d'Armando Palacio Valdés. L'autor ve na obra del creador de l'Aldea Perdida delles llectures posibles. Una d'elles, afondando más allá de la evidente oposición ente campu y industrialización que trescala na obra del escritor de Llaviana, atopa nicios que lu rellacionen con una llectura humanística del paisaxe nel qu'esti ye un elementu con atributos de ser vivu.

Cristian Vázquez Bulla y Antonio González Bueno presenten tamién nesti númberu de Belenos una introducción al aniciu de la industria farmaceútica n'Asturies, que los autores asitien nel cambáu del sieglu XIX al XIX y que tien un segundu reblagu nel tiempu de la Primer Guerra Mundial. Nel so artículu, Vázquez y González fain un repás, illustráu con bien de semeyes y etiquetes d'época, de los llaboratorios asturianos más importantes nel primer cuartu del sieglu XX.

Artículos de Celso Diego Somoano y Francisco Javier Pantín sobre la ilesia d'Abamia, au se guardaba'l sepulcru del Rei Pelayo, de Ignacio Abella sobre'l fresnu n'Asturies y otru de F. Xosé Fernández Riestra y Montserrat González sobre los preseos pa marcar el pan completen l'últimu númberu d'esta prestixosa revista etnográfica y de cultura que yá pues encargar n'Asturshop, la tienda asturiana na rede