Nueve alcaldes d'occidente apoyen una demanda de programación en gallego-asturianu na TPA

UVIÉU, 08 de Marzu (EUROPA PRESS) Nueve alcaldes de conceyos del occidente asturianu mostraron el so apoyu a un comunicáu de l'asociación Xeira, que trabaya pola defensa de la fala d'aquella zona, p'algamar que la televisión autonómica incluya programación en gallego-asturianu. Asina lo informó'l colectivu al traviés d'una nota prensa, a la que tuvo accesu Europa Press. Nel comunicáu, en gallego-asturianu, Xeira esplica que "falóu a lo llargo del ano pasao cos alcaldes d'esos conceyos pra feryes chegar a nosa preocupación sobre esta carencia". Asina, consensuó un comunicáu "unde se recoye ese sentir pra que lo apoyaran os alcaldes que lo visen ben. Despóis d'esos contactos, manifestáronnos el sou apoyo el alcaldesa d'El Franco y os alcaldes de Navia, A Veiga, Taramunde, Samartín, Santalla, Pezós, Eilao y Grandas".