Nueva Web de la Xunión Europea p´atopar trabayu

Eures ye´l nome del nuevu portal d´Internet sofitáu pola Xunión Europea col oxetivu de facer más cenciello l'atopar trabayu nos países comunitarios. Esta idega de la Comisión Europea ta dientro de la so campaña d´información a tolos europeos que quieren trabayar n'otru país de la Xunión Europea. La campaña va espardese con anuncios nos autobuses, cartafueyos y cartelos que van acompañar al restu de les acciones promocionales de la rede Eures. Asinamesmo, esti web quier ser un estoyu d'información sobre les costumes de cada país, la so llexislación llaboral, les condiciones de trabayu, la situación del mercáu llaboral y el nivel educativu.



Nuna Europa estrada de desequilibrios territoriales, movilizar el capital humanu pa terminar col desempléu conviértese nuna xera principal pa la Comisión Europea, que per otra parte tien la obligación d'iguar esos mesmos desequilibrios. Con esti portal los europeos pueden atopar tola información que necesiten, y tamién unviar el so currícullum vitae a través de la rede.