Nueíte Celta de Xedré, música y cultura no más profundu d'Asturies

Cuarta edición de la Nueíte celta de Xedré con actividaes, muestres, charres y la imprescindible nueche folk.Esta nueíte tien daqué d'especial pa poder convocar a tanta xente un llugar tan allonxáu como ye'l pueblu de Xedré en Cangas del Narcea. La forma de llevar a la xente hasta alla alantrones ye ufiertar una xornada completa d'actividaes pa que podamos dir ya a partir de les 16:00 la tarde, y asina aprovechar el viaxe hasta esta localidá.Les actividaes entamen esti vienres 23 d'agostu a les 16:00 colos grupos folclóricos "El Arándano" de Rengos, "San L.luis" de Puela d'Allande y la "Ordaletsa" de Xedré que son coorganizadores 'esta nueíte. Tamién a partir d'esa hora podremos ver a los artesanos de la zona trabayar, cerámica, madriñeiros, ferreiros...etc.A les 17:30 el "Conceyu d'estudios etnográficos Belenos" trai a dellos conferenciantes pa dar unes cuentes charres con temes como "l'arquitectura tradicional en Cangas del Narcea", "mitoloxía y brañas" y "especies autoctonas".A les 20:00 una prestosa iniciativa de la Xunta Pola Defensa de la L.lingua, que va facer un conceyu xeneral de los sos conceyos nel occidente, onde falaráse de la situación del asturianu y que midíes hai que tomar dende la sociedá pa iguar esti problema qu'afeuta a la sociedá asturiana. Tamién tara instalada una esposición sobre llibros n'asturianu occidental.Cuando llege la nueche a eso de les 22:30 podremos ver a la "Banda de gaitas Zarréu", informantes de la zona que falarán sobre l'estilu de vida tradicional, y l'actuación de la cantante Marta Arbas.A les 23:30 llega la nueche folk en si cola actuación de Xuacu Amieva, con nueva banda y nuevos temes d'un discu que ta pa salir. Depués "Corquiéu" que lleva un branu atacáu d 'actuaciones per toa Asturies y fuera d'ella. Y pa pesllar la nueche "Dixebra" con direutu bien trabayáu que nun dexa posibilidá de descansu en tol conciertu.

Contador Estadistiques