Netanyahu apuesta por una amenaza militar convincente hacia Irán

El primer ministru d'Israel, Benjamin Netanyahu, treslladó al vicepresidente d'Estaos Uníos, Joe Biden, que solo una convincente amenaza de calter militar pue faer qu'Irán abandone'l so supuestu programa d'armamentu nuclear.

"La única forma de garantizar qu'Irán nun se nuclearizará ye crear una creíble amenaza d'acción militar na so contra si nun cesa la so carrera d'armamentu nuclear", recoyó una fonte cercana a Netanyahu de les palabres d'esti últimu.
  
El 'premier' hebréu, de visita oficial n'Estaos Uníos, caltién que les sanciones económiques nun valieron pa persuadir a la República Islámica. Dempués de la xunta Biden aseguró que les restricciones tienen un "impactu mensurable", pese a que llamentó que Teherán nun aprovechare l'abertura de Washington de los últimos tiempos.
  
Na ciudá del estáu de Luisiana celebróse una cita de les Federaciones de Judíos de Norteamérica. Biden declaró ante los asistentes que la puerta de la diplomacia sigue abierta pa Irán, "pero'l preciu pa travesar esa puerta" ye "actuar con raciociniu".

Una de les fontes israelines añadió que Biden garantizó a Netanyahu'l so compromisu incondicional y completu" cola seguridá del Estáu xudíu. Por cuenta de la relación "estratéxica crucial" ente los dos gobiernos, Washington nun va vencer "nin una sola pulgada" nesta cuestión, comunicó-y.
  
Netanyahu va reunise'l xueves cola secretaria d'Estáu norteamericana, Hillary Clinton, en Nueva York. Sicasí, nun va poder tratar col presidente, Barack Obama, que s'alcuentra estos díes de xira per Asia.
  
Biden y Netanyahu aprovecharon el so alcuentru en Nueva Orleans pa falar tamién sobre la construcción nos asentamientos xudíos de Cixordania.