"Nenyure" de Jorge Rivero, n'Asturies.com TV

La programación d'Asturies.com TV despide l'añu presentando'l curtiu del director asturianu Jorge Rivero "nenyure" nel qu'espeya l'alcordanza del mieres industrial y obreru en que se crió l'autor y que ta ente los nominaos a los premios de l'Academia Española de Cine al meyor curtiumetraxe documental del añu.

Jorge Rivero (Mieres 1975) Primer Premiu de Nuevos Realizadores d'Asturies nel añu 2003, ye l'autor de "Nenyure" diez minutos de cine ensin actores y con una voz n'off nos que Rivero fai un poema de señaldá nel barriu obreru de Mieres onde se crió l'autor. La perda d'identidá d'esti espaciu, la identificación col mesmu y la presencia de l'arquitectura como elementu definitoriu del paisaxe son los elementos claves de "nenyure" un curtiu que'l mesmu Pablo Rivero define como "un poema visual onde les fachaes, les solombres, les ruines y los demás elementos del paisaxe asumen completamente'l protagonismu, y onde la voz y la música tan al serviciu de da-yos más claridá a los significaos de les imáxenes". El curtiu presentárese nel Festival de Cine de Xixón del 2004, onde compitió na sección a concursu.Agora ta na peñera final de los premios de l'Academia de Cine española, que s'entreguen el 29 de xineru.