Nengún neñu ensin llibru n'asturianu

Con motivu de la celebración de la campaña "Nengún neñu ensin llibru n'asturianu na Selmana de les Lletres Asturianes" l'Asociación Xuvenil Dixebra Astur va facer nel Hospital de Cabueñes (Xixón) el próximu día 8 de Mayu a les 12 del mediudía un actu d'entrega de llibros a los neños ingresaos nel hospital. L'asociación Dixebra Astur diz que'l llote de llibros que van entregar inclúi más de 80 títulos n'asturianu, los más d'ellos donaos poles propies editoriales, polo que l'asociación quier agradecer el sofitu que tuvo la campaña por parte de los editores del país. Nel actu d'entrega de los llibros cuéntase cola presencia de representantes de Xunta Moza, del Conseyu de la Mocedá de Xixón y de la directora de la Oficina de la Llingua del Ayuntamientu de Xixón Maria Xosé Rodriguez.