Nel Amaro, poeta del Surdimientu, morrió esti llunes a los 65 años

|

Güei ye un día prietu pa les lletres asturianes. Nel Amaro, poeta, novelista y dramaturgu de la xeneración del Surdimientu, morrió esta tarde a los 65 años. El de Quentuserrón dedicó los sos años últimos a la poesía visual.
 
Escritor n’asturianu y castellanu, Amaro recibió una bona cantidá de premios lliterarios na so trayeutoria y nes décades últimes convirtióse nun de los principales dinamizadores culturales de la cuenca del Caudal. Ente les sos creaciones destaquen obres de poesía como ‘Diariu d’un polizón’ o ‘Pruebes d’autor’, y dramátiques como ‘Antígona, por exemplu’ o ‘El banquete’, destacando tamién como direutor de grupos de teatru. El mierense tamién escribió novela, con llibros como ‘Novela ensin títulu’ o ‘Falanxista’.
 
La rede foi otros de los intereses d’Amaro nestos años últimos xunto coles artes plástiques, hasta’l puntu d’utilizar Interner pa siguir desarrollando proyeutos culturales y esparder les sos creaciones.
 
Semeya cedida por Manuel Palomino

Contador Estadistiques