Navelgas, sede del campeonatu d’Europa de batéu d’oru

Del venticinco al trenta y ún de xunetu va celebrase en Navelgas, conceyu de Tinéu, el campeonatu d'Europa de Batéu d'oru. Va ser la primer ocasión que se celebre n'España esti campeonatu, que cuenta cola participación de representantes de más de 15 estaos distintos.

Dempués de celebrase en Navelgas media docena de campeonatos d'España de la especialidá, Navelgas, pueblu exemplar d'Asturies nel 2003, va acoyer por primer vegada un campeonatu d'Europa de batéu d'oru. Seyes campeonatos nacionales de la especialidá lleva organizaos Navelgas, que mira agora de facer con esta competición europea un auténticu acontecimientu que valga pa facer de ganchu turísticu pa la comarca del Cuartu los Val.les. Pa ello van oranizase actividaes complementaries a la celebración del campeonatu como van ser les escursionesal castru de Cuaña o a l'aula del mar que tien CEPESMA en L.luarca, ello amás de la celebración del Concursu de Folk del Cuartu de los Val.les, que va celebrase unos díes enantes del campeonatu, al que van acudir representantes de polo menos 15 estaos distintos. Cada equipu nel campeonatu de batéu suelen igualu un grupu mistu de 5 persones ente homes y muyeres.