Nava y Villaviciosa celebren talleres de llectura n’asturianu

|

El SNL de la Mancomunidá de la Sidra entama pa esta primavera talleres de llectura n’asturianu en Nava y Villaviciosa cola fin d’averar la lliteratura asturiana a los ciudadanos. La inscripción pa esta actividá ye de baldre.
 
Siguiendo l’exemplu entamáu en Turón, estos talleres van ufrir llectures d’obres escrites en llingua asturiana a les persones interesaes pa depués celebrar sesiones mensuales y alcuentros colos propios escritores. D’esta forma, los llectores avérense a la lliteratura asturiana más actual y garren el vezu de lleer en llingua asturiana.
 
El plazu pa inscribise pa los talleres entamaos pol Serviciu de Normalización Llingüística de la Mancomunidá de la Sidra, en collaboración con les árees de Cultura de Nava y Villaviciosa, fina’l 17 d’abril. Los interesaos n’apuntase han d’acudir a les biblioteques d’estes dos ciudaes o a la sede del SNL, asitiada en Paraes (Nava) pa formalizar la inscripción. Pa obtener más información sobre esta actividá pueden llamar al teléfonu 985.718.413.

Contador Estadistiques