Nava celebra esti fin de selmana la XXX edición del Festival de la Sidra

El Festival de la Sidra de Nava celebra esti fin de selmana la so XXX edición, que se presentó ayeri nes instalaciones del Muséu de la Sidra. Dende güei xueves ya ye posible disfrutar d'actuaciones como la del grupu "Ibur" de música tradicional na plaza'l conceyu dende les 8 de la tarde, anque'l certame va acutar un cachu grande pa falar de la sidra dende'l puntu de vista de los profesionales del sector, celebrándose'l vienres 6 a les 20:30 h nel Muséu de la Sidra la charra "Opciones de producción y comercialización de mazana de mesa y sidra" pol inxenieru José Ramón Viesca Iglesias.


L'actuación musical del vienres va ser la del grupu Los Berrrones, mientres que'l sábadu va ser el día grande, cola celebración del mercáu y el Concursu de la meyor Sidra Natural fecho en Nava y n'Asturies. La preba de sidra de baldre y el festival del Tortu van entretener la tarde hasta la llectura a les 8 del pregón a cargu del periodista Xurde Morán, que-y va dar pasu a la música de les orquestes.