N’Aragón tampoco.

Anque paecía que la Comunidá Autónoma d'Aragón avanzaba imparable pa la declaración d'oficialidá de la llingües aragonesa y catalana, el famosu anteproyectu de llei pue ser que quede neso: nun anteproyectu. El Conseyeru de Cultura, Sr Callizo, declaró esti día nes Cortes d'Aragón que nun diba presentar una llei a votación ensin el preste del PP. Entá más, dixo que tampoco lu diba presentar ensin l'apoyu esplícitu del PP, porque nun ye yera plan crear divisiones y tensiones na sociedá a cuenta d'una llingua que ye patrimoñu de toos, etc, etc...
El PP na oposición, pel so llau, contestó que si'l Gobiernu d'Aragón quier sacar la llei que la saque, que pa eso tien mayoría, pero que nun-yos eche responsabilidaes de lo que nun quier facer.