Nacen dos esbardos en Picos d'Europa

Dos exemplares d'osu pardu cantábricu nacieron tres el cruce, dientro del Parque Nacional de Picos d'Europa, d'una fema de la población oriental y un machu procedente de la occidental.

Los esbardos, --que nesti momentu son subadultos-- anden pel territoriu protexíu y el entornu.
  
Esti fechu demuestra la importancia de Picos d'Europa como "nexu d'unión" ente los dos poblaciones d'esta especie en peligru d'estinción.
  
Asina lo sorrayó esti vienres el conseyeru de Desarrollu Rural, Ganadería, Pesca y Biodiversidá del Gobiernu de Cantabria, Jesús Oria, por cuenta d'una xunta del Patronatu del Parque en Santander.
  
El tamién presidente d'esti órganu destacó la importancia de Picos d'Europa pa la preservación del osu, dao que caltién los sos ecosistemes forestales en "adecuáu estáu de caltenimientu" y val de comunicación pa exemplares de la población oriental y occidental.
  
Tamién destacó que la presencia de los plantígrados nel Parque ye "cada día más frecuente", puesto que no que va d'añu rexistráronse más de 25 avistamientos o recoyida de nicios de machos adultos solitarios o femes con críes en Picos d'Europa.