Muerre un trabayador na mina de Zarréu

Roberto Calviño, de 40 años y vecín de la localidá l.lacianiega de Vil.labrín, quedó atrapáu nun derrabe

L'accidente tuvo llugar nel pozu de Zarréu (Degaña), propiedá de la Compañía Minera Ástur Lleonesa. La so causa foi un derrabe nuna de les galeríes, nomada túnel de Zarréu, qu'afectó a dos trabayadores que nesi momentu taben na zona, anque ún d’ellos foi rescatáu ensin nenguna mancadura.

Un operativu de rescate fai por rescatar agora’l cuerpo del trabayador fallecíu  que sigue na cabina del vehículu de carga que diba guiando y que quedó atrapáu ente roques y carbón.