Muerre Fernando Largo, figura pionera del folk astur

La música asturiana perdió’l llunes a ún de los grandes del folk, Fernando Largo. Esti pioneru en recuperar los soníos asturianos de raigañu morrió a los 50 años d’edá d’un infartu.

Na seronda de 1983 nacía Beleño, ún de los grupos pioneros del folk asturiano. Fernando Largo, el pá del grupu xunto con Xuacu Amieva, morrió’l pasáu llunes 10 de setiembre d’un infartu, con 50 años d’edá. El so funeral celebróse ayer n’Uviéu, na ilesia de San Francisco d’Asís.

Amás de con Beleño, Fernando Largo tamién dinamizó la música tradicional notros campos: foi instrumentista d’harpa céltica, rexentó’l chigre folk uvieín Cadorna, y, nos últimos tiempos de la so vida, creaba y producía obres musicales nel so estudiu caseru d’El Pitu, en Cuideiru.