Morrió'l cantante de tonada José Noriega

El día d'ayeri morrió en Xixón, con 85 años, José Noriega Agüera, ún de los cantantes de canción asturiana que marcaron estilu nel pasáu y na actualidá. L'artista carecía d'una enfermedá respiratoria que va tiempu que-y torgaba cantar, y qu'a la fin foi la qu'acabo cola so vida.

José Noriega Agüera naciera n'El Bustu (Villaviciosa) en xunetu de 1920. Dende bien neñu tuvo arrodiáu pola canción asturiana, ya que la so madre y la hermana yeren cantantes. Asina, adulces, foi deprendiendo a cantar hasta qu'en 1955 se convertió nel gran descubrimientu del Concursu de Canción Asturiana qu'organizaba'l diariu "Región", algamando´l primer premiu. A parti d'ehí Noriega, al que llamó la prensa madrileña "l´home de los cuatro pulmones", entamó una carrera musical que lu llevó a cantar per toa España, participando en concursos folclóricos, a actuar en Cuba xunta'l grupu de coros y dances "El Pericote", de Llanes, y a facer una xira en 1960 xunta'l gaiteru Remís Ovalle per América qu'acabó durando trés años. El cantante fízose famosu pola tonada "Hai una linea trazada" sobre'l ferrocarril de L'entregu al Musel, y colos años convertióse en modelu pa munchos cantantes nuevos de los que se diz que "canten por Noriega". Una de les últimes vegaes que se pudo ver al cantante sobre un escenariu foi nun homenaxe que-y fizo'l Concursu y muestra de folclore "Ciudad de Oviedo" en 1993. Lla capital del Pirincipáu tamién-y dedicó una cai a esti cantante, que mató la so voz definitivamente.