Montilla nun va collaborar na consulta soberanista

El presidente de la Generalitat, José Montilla, desautorizó al conseyeru de Gobernación, Jordi Ausàs, y dio-y instrucciones de nun collaborar na organización de la consulta soberanista de Barcelona, que se va faer el 10 d'abril.

Nun comunicáu, la Generalitat reaccionó asina al anunciu d'Ausàs de que la so conseyería collaboraría na organización de la consulta, entamada pola entidá cívica 'Barcelona Decideix', emprestándo-y los servicios necesarios pal funcionamientu de la mesma.
  
Sicasí, el Govern corrixó estes manifestaciones y dexó claro que nun va apoyar la consulta porque, según l'ordenamientu xurídicu actual, "nun pue tener l'apoyu institucional de la Generalitat". Pese a too, Montilla añadió que respeta la consulta como "iniciativa cívica".