Moda masculina: trunfa la falda

La internet vien siendo, dende la qu'entamó, un mediu democráticu que permitía da-y difusión a cualquier reinvindicación o inquietú personal. Ello ye que dacuando apaecen movimientos reivindicando coses que nun se sabe seguro si van en serio o si ye cosa d'una mente ociosa. Ye'l casu d'esti web que defende el derechu de los paisanos a llevar falda énte la tiranía de la moda que-yos obliga a gastar pantalones. Amás de los argumentos de toa triba que se dan pa xustificar que los homes leven falda, l'artículu introductoriu de la páxina diz que cada vegada son más los paisanos que s'attreven a llevar falda en público.... y tamién en privao. El plasmu ye entovía más grande cuando se mira tolo qu'hai na sección de links a otres páxines de la mesma temática…

Contador Estadistiques