'Mitos asturianos' llega al IES Juan José Calvo Miguel de Sotrondio

|
'Mitos asturianos' llega al IES Juan José Calvo Miguel de Sotrondio

El dibuxante llangreanu Javier Iván Villa ye l'autor d'esta serie de pintures sobre la mitoloxía asturiana que l'alumnáu del IES Juan José Calvo Miguel pue visitar estos díes gracies a la iniciativa de la Oficina de Política Llingüística de Samartín del Rei Aurelio.

Tres tar espuesta nel conceyu en FEMEX y na Casona del Bravial, y pasar per Uviéu, Candás o Lluanco, la muestra de Villa ta agora a disposición de los alumnos y alumnes del centru sotrondín. Cada pintura d'un ser mitolóxicu va acompañada d'un testu esplicativu sobre la figura, a lo qu'hai que sumar un videu xeneral sobre la mitoloxía asturiana.

Completa la muestra una serie de xuegos cola fin de que los estudiantes s'averen a esta temática d'una forma cenciella y divertida. 'Mitos asturianos' va continuar nos meses próximos percorriendo centros educativos del país.

Contador Estadistiques