Mini - xira de Kornog n'Asturies

Como yá vos contamos la selmana pasada, el míticu grupu bretón "Kornog" va tar n'Asturies. Yá vos dixéramos que tocaben esti sábadu 15 nos "Alcuentro tradicionales de Trebolgu", pero amás d'ehí, tamién van actuar el llunes 17 nel salón d'actos del antiguu institutu de Xixón a partir de les 20:00 hores. El día depués pela tarde van facer un taller nel mesmu llugar, p'apuntase tenéis que llamar al 985 18 10 38 o mandar un e-mail a fmc@ayto-gijon.es, la duración ye de 4 hores nes que ven afondar nes técniques y igues qu'usa esti grupu, el preciu ye namás de 9 €. Pa finar n'Asturies tocarán nel chigre Ca Beleño d'Uviéu el martes 18 a les 22:30 hores. Pola so parte los gallegos "Irtrio" actúen nel recien estrenáu Ca Beleño de Xixón esti domingo 16 a les 21:30. Güei vienres en Caborana podéis dir ver un conciertu de Folk-Rock a partir de les 8 la tarde, los grupos que van tocar son "Sendero Luminoso", "Milicia Astur" y "Folkgando", que vienen de collechar mui bones crítiques nel so caberu conciertu nun festival frances.