Millonariu suizu paga multa nel "Casu Asturiana"

El nome de Thomas Schmidheiny nun ye que se conoza muncho, pero esti suizu ye ún de los homes más ricos del mundu. Capitán de les finances suices, Schmidheiny, quien a lo llargo de la so carrera, ocupó cargos de responsabilidá n'empreses como la quebrada Swissair y bancos como'l prestixosu Credit Suisse, aparez nel puestu 168 de la llista Forbes de los más ricos del planeta, con un capital personal de 2.400 millones de dólares americanos. L'hermanu de Thomas, Stephan, que vive retráu de los negocios y preside una fundación d'ayuda al desarrollu, ocupa'l puestu 118 de la mesma llista, con 3.100 millones de dólares.Siendo presidente nel añu 2.000 de la multinacional de cementos Holcim, Schmidheiny mercó n'avientu del 2.000 350.000 acciones d'AZSA al preciu de 9,55 euros. Al otru mes, xineru del 2.001, la multinacional suiza Xstrata, na que Schmidheiny tenía cargu de conseyeru, puyó por AZSA al través d'una OPA que trunfó y qu'ofrecía 13,34 euros por acción. La CNMV sospechó que'l millonariu suizu tuviere conocimientu de que diba facese la OPA y aprovechare la información pa sacar tayada, y ordenó una investigación que ta acabante de terminar na mayor multa de la historia pol emplegu d'información privilexao. 1,458 millones d'euros pactaos ente la fiscalía y la defensa van llibrar a Schmidheiny d'un procesu más llargu en que'l fiscal podía pidir hasta 4 años de cárcele pal inversor

Contador Estadistiques