Miles de persones piden la rectificación de Zapatero n’Uviéu

30 Setiembre, 2010 por E.P. / Redacción

Inicie sesión o rexístrese pa espublizar comentarios

Más de 100.000 persones según los sindicatos y unes 30.000 según la Policía, percorrieron les cais d'Uviéu pa esixir al gobiernu que rectifique nes sos polítiques de “recorte social y de los derechos de el trabayadores".

Baxo’l lema 'Asina non. Rectificación yá', los manifestantes partieron de l'Avenida de Galicia y percorrieron les cais Cervantes, Independencia y Uría, p'acabar nel Paséu de los Álamos, onde los dirixentes sindicales dirixieron unes palabres a los manifestantes.

Los líderes sindicales asturianos, Justo Rodríguez Braga (UXT), Antonio Pino (CCOO) y Francisco Baragaño (USO), destacaron l'ésitu de la xornada de fuelga n'Asturies, con un siguimientu del 87%, "el más altu del Estáu" y añedieron que la "multitudinaria manifestación ye'l meyor colofón a una xornada de llucha".

"Esto ye una demostración de llucha y solidaridá de los trabayadores. Equí ta la fuerza de la clase trabayadora d'Asturies y los gobiernu, la patronal y la derecha rancia tienen de tomar nota", indicaron los sindicatos.

Y ye que pal secretariu de CCOO "namás un neciu que pretenda suicidase políticamente nun rectificaría nes sos midíes regresives" dempués del ésitu atayante de la xornada de fuelga de güei. "Dicir daqué nun tien sentíu, les imaxes falen por sigo soles y tamos viendo un ésitu atayante", dixo Pinu.

El secretariu d'UXT, Xusto Rodríguez Braga, volvió criticar l'actitú de dellos empresarios y aseguró qu'ellos si fueron "piquetes coactivos", frente a los piquetes "informativos y convencitivos de los sindicatos".

"Los asturianos espresemos la nuesa disconformidá coles polítiques del Gobiernu y agora a Zapatero namás-y queda rectificar y dexar de ser sumisu coles fuerces financieres", dixo Braga, qu'añedió que "si Zapatero vieno de Bruxeles noquiáu, güei dempués de la xornada de fuelga tendría de tar esmorecíu".

Pela so parte el líder d'USO, Francisco Baragaño, indicó que se consiguió lo que se quería que yera "paralizar Asturies" en protesta de les midíes regresives del Gobiernu. Destacó la espontaneidá" de toos los trabayadores y pequeñes empreses que quixeron collaborar na xornada de llucha.

Comentarios

Berto wrote on 30 Setiembre, 2010:

Bono, ¿y agora qué? ¿Pa qué sirvió?
-Los miles de paraos que se manifestaron, ya taben en paru enantes la reforma... ¿nun yos llega tarde la Huelga?.
-La reforma ya ta aprobá, firmá e impuesta ¿nun llega tarde la Huelga?. Ye más, ZP ya dixo que nun va a dar marcha atrás...y nun pasa na, porque'l trabayu de los sindicatos yera llimpiar la so cara, ni derrocar al gobiernu ni face-y dañu algún... algo que además nun tienen vergoña en almitir.
-Les miles de persones que perdieron el día aun queriendo dir a trabayar ¿quien yos devuelve les perres?
En definitiva, la Huelga como sabía tol mundo amás de llegar tarde nun sirve de na, bono sí, pa llimpiar la imaxen de los sindicatos que en 2 años nun ficieron na... y pa na más, porque los mesmos que se manifestaron serán los que l'añu que vien votarán otra vez a ZP.