Migoya asegura que'l Gobiernu ta abiertu a posibles opciones pa un nuevu trazáu del AVE del Cantábricu

La conseyera d'Alministraciones Públiques y vocera del Gobiernu del Principáu d'Asturies aseguró güei que l'executivu rexonal ta dispuestu a estudiar les posibles opciones pa un nuevu trazáu del AVE del Cantábricu al so pasu pel Principáu.
Migoya realizó estes manifestaciones demientres la rueda prensa qu'ofreció güei nel Edificiu de Servicios Múltiples del Principáu p'anunciar l'entamu de la Comisión de Publicidá Institucional.


La vocera del Gobiernu punxo de manifiestu la coincidencia col secretariu xeneral de la Federación Socialista Asturiana (FSA), Javier Fernández, qu'esclarió que la FSA sólo va oponese a que l'AVE pase pela cosa, "non per otru trazáu".
Por ello, la conseyera, apuntó que l'executivu rexonal "nun s'opón" a neguna infraestructura de futuru nel Principáu pero sí aseguró que s'oponen a un trazáu de vía pela rasa costera debío al gran impautu mediuambiental "exaxeráu y difícil d'iguar".