Mieres celebra la Folixa na Primavera

Gwendal va actuar el sábadu nel Parque Xovellanos xunto con Spanta la Xente.

Esta tarde, a les 19 hores, va principar una edición nueva de la Folixa na Primavera en Mieres, onde ta previsto'l repartu de 2.500 llitros de sidra de baldre hasta'l domingu. Van ser munches les actividaes entames nestos trés díes col Parque Xovellanos como epicentru, destacando na xornada inaugural el conciertu de Rodrigo Cuevas (19.50 hores), el Festival de Tonada (20.15 hores) y les actuaciones de La Tarrancha (23 hores) y de los franceses Caliorne-Noze Band (00.30 hores).

Mañana va tener llugar el momentu más esperáu de la Folixa: el retornu a Asturies de los bretones Gwendal, una de les bandes más llexendaries de la música de raigaños celtes. Va ser a les 00.30 hores, tres l'actuación de Spanta la Xente, con comienzu previstu pa les 23 hores.

Pa consultar el progama completu de la Folixa na Primavera ha de calcar equí.