Microsoft, col ataque a Palestina

La selmana pasada, la multinacional Microsoft tuvo que retirar una polémica campaña publicitaria n'Israel. La verdá ye que la propaganda que facíen los carteles de marres tenía bien poco que ver colos negocios de la empresa de Bill Gates. Sobre un fondu cola bandera d'Israel venía la insignia de Microsoft y una frase: "Dende lo más fondo de los nuestros corazones, gracies a les Fuerces de Defensa d'Israel" en clara referencia a les acciones militares en ciudaes palestines. La organización pacifista israelí Gush Shalom entamó, darréu d'apaecer los anuncios, una campaña de protesta que forzó la retirada de los mesmos, pero la polémica sigue. Otramiente, ta acabante de llegar a la zona una misión d'eurodiputaos, ente los que ta l'asturiana Laura González. L'axenda de la misión europea inclúi una visita a la ciudá de Jenin, escenariu de la masacre de la otra selmana, amás d'entrevistes per separtao con representantes palestinos y del parlamentu israelí y col comisionáu de la UE na zona.