Meyor que'l BOPA

Cuando al portal oficial na internet del Gobiernu Asturianu siguen faltándo-y bien de servicios por desarrollar, llama l'atención que seyan otres persones y instituciones les que s'esmuelan por dar un meyor accesu a la información institucional. Dientro de los servicios qu'ufierta'l Principáu nel so web, quiciás el conteníu más solicitáu seya'l BOPA. Asturies foi la última comunidá del estáu en tener el so Boletín Oficial na rede, y lo cierto ye que nun ye de les meyores ediciones de boletines oficiales que s'atopen na rede, porque nun permite buscar per pallabres nos sos testos, como, por poner un casu, sí permite'l Boletín de la Comunidá de Madrid. Afortunadamente, el Serviciu Común d'Informática Gráfica de la Universidá d'Uviéu tien desarrolláu esti amañosu sistema de búsqueda en BOPA que ye de lo más amañoso y que nos atrevemos a recomendar a los nuestros llectores. Al buscador en Bopa éntrase dende'l web de la Escuela Técnica Superior d'Inxenieros de Mines. Los que desarrollaron el proyectu ofrecieron-ylu al Principáu, pero los responsables del web oficial nun-yos dio más por ello