Mercedes Fernández asegura nun entender un discursu por tar n'asturianu

|

Tres la intervención del voceru de Podemos nel Plenu Institucional pol Día d'Asturies na Xunta Xeneral, que foi dafechu nesti idioma.

"Dalgún discursu nun lo entendí de forma íntegra por nun emplegar el castellanu", aseguró Mercedes Fernández, vocera del Partido Popular (PP), que tomó la pallabra xusto depués d'Enrique López Hernández, que s'estrenaba como voceru de Podemos nel Parllamentu. El d'Izquierda Xunida (IX), Gaspar Llamazarez, tamién emplegaba previamente l'idioma, anque namái nun cachu del discursu.

La popular, que tien presumío de falar más asturianu qu'otros diputaos non nacíos nel país, en referncia a la burgalesa Concha Masa o al propiu Llamazares, rioxanu, defendió darréu que'l castellanu foi siempre la llingua d'entendimientu na Xunta Xeneral y aprovechó pa cargar otra vuelta contra la oficialidá. "Nun ta na demanda mayoritaria d'Asturies, nun supón avance y nos fadrá retroceder”, señaló.

Contador Estadistiques