Mercedes Fernández reconoz que los resultaos del PP nun son bonos y diz tar abierta al diálogu

La diputada nel Congresu y candidata del PP a la presidencia d’Asturies, Mercedes Fernández, reconoció que los resultaos algamaos esti domingu nun son bonos y almitió tar dispuesta al diálogu. El so partíu sumó los mesmos escaños qu’en mayu y mantiénse perbaxo de Foro.
 
Fernández señaló qu’esti llunes va ponese a trabayar pa buscar una solución pa los asturianos y que los resultaos eleutorales evidencien el cambiu del mapa políticu asturianu. Tamién manifestó que l’astención grande qu’hubo na xornada eleutoral pon en valor que’l presidente en funciones, Francisco Álvarez-Cascos, nun sintonizó col interés xeneral al adelantar la cita coles urnes.