Mediu Rural quier qu'Asturies llegue a les 100.000 hectárees de castañales

La conseyera de Mediu Rural y Pesca Servanda García, declaró ayeri en Mieres que'l gobiernu quier xubir hasta 100.000 les hectárees de superficie dedicao a castañales dende les 80.000 hectárees actuales. Servanda García dio esta información nel marcu de la xornada Proyectu Estratéxicu pal Desarrollu Integral de la Castañal Atlántica que se celebró nel campus universitariu de Mieres. García comentó qu'una de les víes que se tán estudiando p'asegurar el futuru d'esta especie autóctona asturiana ye certificación de calidá de la so madera. La previsión cola que trabaya'l departamentu ye que'l parque de Redes, nel conceyu de Casu, sía la primer zona que cuente con esta certificación, que va facese al traviés de la entidá AENOR. Servanda García esplicó que la certificación de la madera de castañal va permitir crear una xestión sostenible del monte y una cadena de custodia pa garantizar la calidá del productu dende l'orixe hasta la producción de muebles.