Más propaganda

Anque a fecha de güei hai más de 300 denuncies alministratives presentaes contra l'incumplimientu de la Llei d'Usu no referío a la toponimia (les carreteres nueves siguen rotulándose con nomes deformaos a pesar de que la llei "manda" que los topónimos han ser los tradicionales), l'Alministración autonómica en collaboración col Conceyu de Xixón acaba poner na cai una campaña que, sobre un fondu de una moza vistía de montañera, una bici y un cartel de L'Angliru diz "Los pueblos y ciudaes d'Asturies tienen nome propiu". La Conseyería de Cultura mata asina trés o cuatro páxaros d'un tiru: aprovecha los "mupis" (encontos publicitarios na cai) yá alquilaos pa la campaña de navidá (compra llibros…); xustifica'l gastu de munches perres na promoción del idioma pa que nun se diga; queda bien colos despistaos y, si noscuntara-y a propios y estraños lo de "nun sé de que se quexen" nos díes previos a una grande movilización. La cara dura y la poca vergüenza a la que son quien a llegar los nuesos gobernantes paez que nun ve sebe.

Contador Estadistiques