Más programes n'asturianu

El nuestru collaborador Xosé S. Puente, que ta trabayando en dellos proyectos pal desarrollu de software n'asturianu, apúrrenos una información interesante rellacionada col navegador Mozilla, un interesante desarrollu de freeware del qu'elli preparó una versión n'asturianu. Ello ye que, ensin da-y propaganda nenguna, la versión asturiana de Mozilla que ta funcionando anguaño rexistra cerca de 500 descargues tolos meses dende'l web oficial y que la versión 1.0 del programa yá ta preparada pa salir.