Más País-EQUO lleva nel so programa p’Asturies la especialidá docente y el sofitu a la oficialidá en Madrid

La gran novedá pa les eleiciones estatales del 10 de payares n'Asturies ye la presencia de la coalición Más País-EQUO, que tien el so xerme en Más Madrid, el partíu d’Iñigo Errejón. Esta formación política presentó un programa eleutoral de diez puntos, dedicando ún a la “proteición de la cultura y el patrimoniu asturianu”.

Nel mesmu afítase un “apoyu a la llingua asturiana” consistente nel “impulsu del reconocimientu de la especialidad de docencia de Llingua Asturiana en Primaria y Secundaria y apoyu nel Congreso y Senáu si se produxera una reforma del Estatutu d’Autonomía pa incluyir la cooficialidá”. Tamién promete una defensa del patrimoniu industrial col entamu d’un Plan de Conservación y Promoción, y dotaciones económiques pal caltenimientu del prerrománicu.

Segundo González García, diputáu de Podemos na llexislatura anterior, ye’l candidatur de Más País-EQUO por Asturies. Ente les sos apuestes destaca’l desendolcu d’un alcuerdu verde p’Asturies que permita la creación de 50.000 emplegos hasta’l 2025, una revisión del peaxe del Güerna, l’establecimientu de midíes contra la despoblación y la llucha contra la violencia machista.

Na semeya, González García xunto a la númberu 2 de la llista, Silvia Cosio, y la númberu 3, Olga Fernández.