Más ocalitos, mas papel

La papelera de Navia va aumentar la so capacidá de producción n'ochenta mil tonelaes de pasta al añu, con una inversión na fábrica de más de 22 millones d'euros que van valir tamién pa mangar en Navia una planta nueva de producción eléctrica arreyada a la papelera. Anguaño la planta produz 235.000 tonelaes al añu de pasta d'ocalitu.

Tres la privatización d'Ence, empresa titular de la planta de l'antigua Ceasa, el grupu ta entamando una agresiva política d'inversiones empobinaes sobremanera a producir más ocalitos y más baratos pa pasta nel Uruguay, país onde van dir a parar cerca del 60% de los más de 841 millones d'euros que tienen pensao invertir nel plan d'empresa. Caixa Galicia, Bankinter y Banco Zaragozano son los accionistes mayoritarios, con una pequeña participación de Caxastur.