Más llenda pal Altu l'Angliru

La dirección de la Vuelta Ciclista a España amenazó la selmana pasada con retirar del recorríu pa otros años la etapa qu'acaba nel Altu L'Angliru si la xente vuelve a ayudar a los ciclistes como pasare la última vez. Unipublic, empresa que lleva la organización de la prestixosa carrera, diz que van contratar seguridá especial pa que nun pase como nel 2000, cuando'l públicu se metía pelos ciclistes pa emburrialos nos tramos más duros, sobremanera a l'altura de la Cueña Les Cabres. La entruga ye si dexarán emburriar a los coches de los equipos, que más d'un tuvo problemes pa llegar arriba....L'Angliru yá ye a estes altures una leyenda ciclista. Por exemplu, la revista inglesa Cycling News dedico-y esti apasionáu artículu nel 99, la primer vez que se xubió en carrera, comparándolu yá col Alpe d'Huez y otros altos de llendaL'impresionante perfil del Altu l'Angliru y el nome que se fizo en namás dos años de finales d'etapa nel so cume llevó tamién a dos cases italianes de bicicletes Willier (con un prestosu web en flash) y la famosísima Pinarello a bautizar col nome "Angliru" a dos modelos les sos bicicletes de carrera más cares.