Más hoteles nel Úlos?

Anque anuncia agua pa tol fin de selmana, poles altes del buscador asturianu úlos? conózse que va llegando'l tiempu de veranu. Esta selmana nun llegaron namás que webs d'hoteles y páxines de pueblos y conceyos enseñando los sos atractivos estivales. Ente los primeros, el web del Hotel Pasaje de Xixón o l'Hotel Miramar de Llastres. Ente los segundos, esti web personal dedicáu a Bimenes o esti otru a Castrillón. Ente les empreses, entra la inmobiliaria Uría 7 y tamién la casa Grupo TPP de telecomunicaciones, que ye la que presenta'l meyor diseñu de la selmana.Pa dar d'alta un web en Úlos? namás fai falta que rellenar esti formulariu. Ruégase que nun s'apunten namás que webs de temática asturiana o rellacionaes con Asturies