La coalición nacionalista d'izquierda "Unidá" presentó ayeri un manifiestu nel que más de persones sofiten espresamente la candidatura qu'encabeza Ignaciu Llope a les elecciones del próximu 27 de mayu. Ente los firmantes apaecen personalidaes de la cultura asturiana como los escritores Vicente García Oliva, Marta Mori y Boni Pérez o l'académicu de la llingua Xosé Antón González Riaño, amás d'históricos del movimientu asturianista como l'ex - conceyal asturianista por Villaviciosa Mundo Collada, o los músicos Xosé Antón Fernández "Ambás", Fonsu Mielgo o Tina Cuadriello, aparte d'artistes plásticos como Ánxel Nava o Astur Paredes.
El manifiestu, que sigue abiertu a quien lu quiera firmar na páxina web de la coalición, esplica que "Asturies necesita nueves idees y nueves persones que-y traigan aire fresco a un panorama políticu domináu por PSOE, IX y PP" presentando a "unidá" como "una alternativa que crítica la corrupción y la especulación lloñe "del electoralismu oportunista de los partíos estatales, de la obediencia a intereses ayenos a los de la mayoría, y de grupos de presión y promeses que s'escaecen al otru día de les elecciones". Afitando como exes de la candidatura "la defensa de la identidá nacional, la cultura d'Asturies y d'un modelu social, económicu y ecolóxicu afitáu na xusticia social y les polítiques sustentables coles que que la mocedá pueda tener un futuru que nun tea condicionáu pol clientelismu y la precariedá".