MAS Corvera denuncia l’incumplimientu nel conceyu del decretu de toponimia
|
18 Marzu, 2011 por Pablo R. Guardado
- Inicie sesión o rexístrese pa espublizar comentarios
La formación asturianista de calter llocal, MAS Corvera, denunció esti vienres l’incumplimientu por parte del Conceyu del decretu de toponimia. Ésti aprobóse en Conseyu de Gobiernu nel añu 2007.
Según señalen dende MAS Corvera, el Conceyu mantién l’usu de los topónimos en castellanu dende aquella fecha na mayor parte de les comunicaciones oficiales de Ayuntamientu. Por ello, la formación asturianista llamenta “que tol esfuerzu invertíu na regulación de la toponimia en Corvera quedara en papel moyáu”.
La última muestra d’esti enfotu nulu pal usu de los topónimos tradicionales ye la rotulación del recién remodeláu Centru Cultural de Les Vegues. MAS Corvera señala que nel cartelu que preside la fachada namái apaez el topónimu castellanu “en cuenta de la denominación oficial billingüe Las Vegas/Les Vegues, lo que supón un incumplimientu llegal en materia de toponimia que tien qu’iguase enantes de la so inauguración”.
Efrén d'Andrés
Comentarios
Bon trabayu MAS!!!!!Asina ye i non solu en Corvera, tamien en casi toos los conceyos onde se fixo, ye papel moyau non se usa!!!Nel mesmu Xixon hai dalgun rotulu en llugares escondios!!Como nes cais,pa tapar los güeyos a la xente.
Non falemos de la TPA, non usa casi mas que'l castellan, poro hai un millagru i usen-lu en Les Arriondes!!!
Nel mesmu ayutamientu tenin que dar exemplu, camudando el nome pol "Casa del Conceyu"n'asturianu!!!
FECHU N'ASTURIES GOBIERNU D'ASTURIES!!!!