Mas adelanta les eleiciones en Catalunya pa exercer depués el derechu a l’autodeterminación

Catalunya va vivir unes eleiciones anticipaes el 25 de payares. El presidente de la Generalitat, Artur Mas, da esti pasu cola intención d’entamar un procesu que permita al pueblu catalán exercer el so derechu a l’autodeterminación.

Tres la manifestación independentista de la Diada y el refugu del Gobiernu estatal a la propuesta de pautu fiscal aprobada nel Parlament, venía especulándose con una adelantu eleutoral pa finales d'añu o pa la primavera del 2013. Al final, Mas optó pol 25 de payares, anque tamién baraxó la posibilidá de celebrar los comicios el 2 d’avientu.

El presidente de la Generalitat señaló que “llegó la hora” de que Catalunya exerza el so derechu a l’autodeterminación y que nun va optar a la presidencia depués d’algamar esi oxetivu, ensin aclariar si podría algamase nuna llexislatura o en dos.