Manta Ray prepara discu y un proyectu n'asturianu

La banda asturiana "Manta Ray" ya ta grabando nuevu discu,
el terceru d'esta banda de post-rock, xusto depués de cambiar de
discográfica.

"Manta Ray" ta en plenu procesu de grabación del so
nuevu discu, tan faciéndolo n'Euskadi col productor Kaki Arkarazo,
productor col que ya grabaron el discu anterior. Esti productor ganóse
la confianza de bandes asturianes como "Dixebra", que tuvieron a Kaki
como productor de los sos dos últimos discos.

El grupu compuestu por Nacho Ávarez col baxu y los samples,
José L. García voz y guitarres, Frank Rudow nos teclaos y
percusiones y Xabel Vegas na batería, ta buscando un soníu
más direutu y potente pa esti trabayu, pa ello tan grabándolo en
direuto pa que'l resultáu seya más averáu al de los sos
conciertos. El
grupu cambió va poco de casa discográfica, pasaron de
"AstroDiscos" a la casa "Acuarela", y esperen sacar
el discu nel estáu pal mes de xineru o febreru, enantes, nel mes
d'avientu, el discu saldrá per Europa y los E.E X.X.

Dende Asturies.com tamién podemos adelantavos que tan mui
avanzaes les negociaciones, casi zarraes, pa que "Manta Ray" y Kaki
Arkarazo saquen un discu conxuntu dafechu n'asturianu pa mediaos del añu
que vien en collaboración col sellu
"Metak", perguapu proyectu
que vuelve ampliar l'abanicu estilísticu de la música fecha en
llingua asturiana.