Manjarín queda en México

El veteranu delanteru xixonés Javier Manjarín, siguiendo los pasos de bien de xugadores europeos, quier terminar, a los sos 33 años la so carrera deportiva nuna competición de fuera d'Europa. Ello ye que'l xugador asturianu ta acabante de firmar pol Santos Laguna, equipu de la liga mexicana, una competición que nun ye nueva pa Manjarín, que tien xugao nel prestixosu Celaya.Manjarín estrenose col primer equipu del Sporting de Xixón en 1989, formando parte xunta Juanele, Abelardo o Luis Enrique, de la cabera xeneración de talentos qu'apurrió la cantera de Mareo enantes de la crisis del equipu, que lu obligó a buscar el pan n'otros equipos, llegando nel 93 al Deportivu d'A Coruña, col que ganó la Copa del Rei nel 95. Internacional absolutu 13 veces con España, Manjarin foi titular na Eurocopa del 96, y echó estos últimos años ente'l Celaya mexicanu y el Rácing de Santander.